नाक बड़ी अौर आँख तनक सी
करें निपोछे काम,
सबन कौं बड़े सुहाने,
करें निपोछे काम,
सबन कौं बड़े सुहाने,
खा खाकें गर्राय़,करवैं
धरती कों बदनाम
सबन कौं बड़े सुहाने,
धरती कों बदनाम
सबन कौं बड़े सुहाने,
सोच बड़ी अौर नीची करनीं,
होत दिखावा नाम,
सबन कौं बड़े सुहाने,
होत दिखावा नाम,
सबन कौं बड़े सुहाने,
दुक दुक कैं भर लए, कल्दारन् सें
घर कोठी गोदाम
सबन कौं बड़े सुहाने,
घर कोठी गोदाम
सबन कौं बड़े सुहाने,
जात पात में लड़ा भिड़ा कैं,
कर रए अल्ला राम
सबन कौं बड़े सुहाने,
कर रए अल्ला राम
सबन कौं बड़े सुहाने,
बगल में रखबैं तिलक तराजू,
करवैं टोपी कौं बदनाम,
सबन कौं बड़े सुहाने,
करवैं टोपी कौं बदनाम,
सबन कौं बड़े सुहाने,
घानैं धरकैं देश सबअौ जे,
तान पिछौरा,कर रए हैं आराम
सबन कौं बड़े सुहाने ||
तान पिछौरा,कर रए हैं आराम
सबन कौं बड़े सुहाने ||
0 comments:
Post a Comment